هيّا تعالي

هيّا تعالي خايفٍ روحي تروح

عايش على حد الخطر شايف الموت

وان ما حصل قرْبك فانا فيك مذبوح

راحل عن الدنيا أنا وسط تابوت

مالي بعدْك بعيشتي أي مصلوح

لا مال يغريني ولا لمعة بشوت

انتي حياتي عالمي مهْجة الروح

اسمك بقلبي له زمانين منحوت

لاجلك جريت وكلي احزان وجروح

جري الجياد بمعركة عين جالوت

ماهمني حكْيٍ به العاذل يبوح

نمام ظنه صابني سحر هاروت

وانتي وفيتي قلتي بصوت مبحوح

أنا معك لو نخسر الناس والقوت

ياللي لحبك في حشى صدري صروح

والله لا ابقى لك مدى الوقت ياقوت

وان مت قبري حط في جانبه لوح

واكتب حكايتنا على اللوح ببيوت