حب ومحبين

طالما أن طريق الشعر طويل، فهذه بداية جميلة وموفقة، "أعطيه نص ونصف وياه أعيشه" .. رائع يا عبدالعزيز..

ما كنت أصدّق فيـه حـب ومحبيـن
وأقول ويش الحب؟ يا ناس ويشه؟
حتى لمحنـي مـوت كـل المزاييـن
بالناظر اللي طحـت برمـاح جيشـه
قلبي وروحي فـي غرامـه مجانيـن
والله ذبحني حسـن خلقـه وطيشـه
لو كان بيدي لجعـل العمـر نصفيـن
أعطيه نصف ونصف وياه أعيشـه
مـا للسعـادة فـي غيابـه عناويـن
كـل الليالـي فـي غيابـه وحيشـه
ما عيش دونه بهجة القلـب والعيـن
عيشه بدونه صـدق ماهيـب عيشـه
والحين أصدّق فيـه حـب ومحبيـن
وألوم من هو يسـأل الحـب ويشـه

شعر : عبدالعزيز الجراح