محكي عربي
من خوالد المحكي اللبناني والعربي.. قصيدة "الأبواب" لجوزيف حرب.
على باب بنوقف تـَ نودع الأحباب
نغمرهن وبتولع ايدينا بالعذاب
أبواب أبواب
شي غُرب.. شي أصحاب
شي مسكّر وناطر.. تـ يرجعوا الغيّاب
فيه باب غرقان بريحة الياسمين
فيه باب مشتاق.. فيه باب حزين
في باب مهجور أهلو منسيين
هالأرض كلها بيوت
يا رب خليها مزيني بابواب
ولا يحزن ولا بيت
ولا يتسكّر باب
وقت اللي بلوّح لك
وبسكّر الباب ياخذني الحنين
بفكر رح اشتق لك
بفكر عـ هالباب رح انطر سنين
آه يا باب المحفور عمري فيك
رح انطر واسميك باب العذاب
آه.. البواب