شاعر مُحبط

.. وفارس الصميدان يعتقد أن معايير النشر عند صحافيي الشعر منصفة وموضوعية، حتى إن الشك ساوره فيما يكتب، رغم أن ما يكتب أعذب وأرقى من كثير مما ينشر، هو يقول "أهل الصحف يعاكسون العوايد"، ونحن نرد عليه ونحن من أهل الصحف "والله إنك لصادق"!

من يشتري شعري وياخذ قصيدي
مادام شعري صار مابـه فوايـد
مليت ارسـل للجرايـد جديـدي
ابغى جديـدي انشـره بالجرايـد
ياكم معد ٍ جيت له قـال ميـدي
"شاعر" ولكن ينقصك شي وايـد
وياكم معد ٍ قال لـي "ياوليـدي"
اصبر وانا في وسط صدري وقايد
والله لو اني "بنيـة ٍ" مستفيـدي
على الأقل ما ابلش بنظم القصايـد
اخذت مدح ولا اخـذت المفيـدي
ولا كسبـت الا مديـح وشهـايـد
الحين وين القى من يفـك قيـدي
واهل الصحف يعاكسون العوايـد
عدت ثمان سنين يا سيـد سيـدي
كنه عن أهل الشعر شعري محايد
الشعر يجري في مجاري وريدي
متغلغل ٍ بعـروق دمـي وسايـد
يا ليتها قبل اكتب انشلـت ايـدي
ولاعرفت ان الشعر شـي كايـد
بكره أخاف يصير مثلي حفيـدي
يطلع على "جدّه" عديـم الفوايـد
ببيع انا شعري و بنسى قصيـدي
ماحد عطانا وجه "ياهل الجرايد"