وشكرا

اسم صعب في تجربة الشعر المحكي بالخليج العربي، يغيب ويحضر بأعياد، وبشائر فرح، وشعر لا يكتبه سواه، شفاف، ينساب كالماء، عالي الوقع، مؤثر، وفاخر..

ردني لاحلامي الأولى
وشكراً
ما أبي احلم معك
صعبه تفهمني وأنا
مستحيل استوعبك
انت مسرف في غرورك
وآنا ما اقدر اتبعك
تدري عاد؟؟
الله معك
كل ما الأحلام تكبر
ابتدى اقلق واخاف
اشعر اني ممكن اخسر
وينتهي فيني المطاف
اعتبر هذا تراجع
اعتبر هذا اعتراف
انا منك ومن جنونك
بصراحه صرت اخاف...
ما ابي شمسك
ولا..يغريني ليلك
ردني لاحلامي الاولى
دخيلك..
قلي: كيف ارجع مثل
ما كنت اول
وانا احس اني انتهيت
وكل مافيني تحول
قلي: كيف ارجع حقيقي؟
مبداي واضح طريقي
قبل ازيف ضحكتي
واتعلم اكذب
قلي: كيف ارجع احب؟
يا حبيبي وارجع اكتب
وردني لاحلامي الاولى
وشكرا