يلا نام

شعر محكي لبناني، وشاعرة محكية لبنانية، نسعد بنشرها لقربها من الروح، ولشفافيتها الكبيرة، نص كأنه أغنية خالدة من أغاني الريف اللبناني.

مرّيت بالبيتْ
بيت الـجمَعنا سوا
ورموشك الشبابيك
الـحمَتني من الهوا

بتذكر شو كنت تقول
تاتحميني ع طول
بخاف عليكِ من الشمسْ
بخاف عليكِ من النَسمي
دخيلك إحكي همسْ
دخيلك ضلّي ابتسمي

بغيابك كل شي راحْ
تِمّي فقَدْ بسماتو
تَكّة الساعة نْباحْ
وقلبي نسي دقاتو

لحافك لي هجرتو
شو فكّر ع غيابك
يغفى وأنا صحيتو
تينطر ايابك

وهالتخت بعدو مرتّب
عينو على بابك
كل ما سمع خطوي
جهزلك الأحلام
وغنالك يللا نام
في حضن أحبابك