الشك والغيرة

مبارك شاعرٌ يخجلنا بتواصله الدائم والغزير معنا، هو شاعر جميل يكتب همّه بسلاسة كبيرة وبدون تعقيدات لا تحد من وصول شعوره لقارئه.

ماجا في بالي أغيب وابتعد عنك
ولا طرالي أسافر واهجر الديرة
خلي الهواجيس دايم واحسني ظنك
ولا تتعبيني بكثر "الشك والغيرة"
وشلون أببعد وكلي قطعةٍ منك
وشلون مدري عيشتيني بحيرة
يا كل دنياي كلي ميت بفنك
عزفت الأشواق نغمة في مشاويره
أشغلت فكري معك يا بنت وإلا انك
خذيتي عقلي وصرتي كل تفكيره
حتى الأحاسيس ساقن خطوتي جنك
حبك سطابي وبين فيني تأثيره
أقول روّح لقلبي دام نادنك
واتبع خطاها و أنا اطلب ربي الخيرة
وإلا الحقيقة .. غرامٍ مني ومنك
أنتي حياتي حلاه وكل تنويره
و والله أني ما أغيب ولا ابتعد عنك
ولو طراني أموت ولا اهجر الديرة