هذا السؤال

النفس البشرية وما وراءها، ألوان قاتمة تحضر غالبا عندما نريد استكشاف ذلك في نص ما، إلا أن "عشق" حضر بألوان باهية مع قصيدته المورقة بأسئلة تحفز قارئها على الإجابة، كلٌ وضميره الذي جبل على الإجابات المختلفة!

غاب القمر عنكم وطول غيابه
وعيون خلق الله تحري رجوعه
اليا طلع فالكون كل ٍ درابه
يجلا ظلام الليل حزة سطوعه
والنور يفرق والكواكب تشابه
ليت أكثر العربان نفسه قنوعة
طول الطريق يوهق اللي سرابه
ينوي على الرجعة وقلبه يزوعه
أحد ٍ نزل بالضلع واحد ٍ رقابه
اللي على الجهال صعبن طلوعه
والراس شاب وقفَّل الصبر بابه
وشلون بصبر دام نفسي جزوعة
ما يرخص الرجال زهرة شبابة
اللي يحرك خافقه من ضلوعه
وين انت ياللي ضايع ٍ وسط غابة
يا صاحب ٍ ما شفت شكله ونوعه
هذا السؤال اللي يبي له إجابة
غاب الرفيق وهاجسي في رجوعه!