العنوسة

هذا الشاعر نذر شعره لطرح مشكلات المجتمع بسخرية مرّة، وعلى أن الشعر الساخر يملأ المشهد الشعبي، إلاّ أن فارس الصميدان يسخر لهدف، ويكتب شعرا جميلا يستحق القراءة، هذا النص الساخر هو ثمرة محبة بين فارس والمجتمع وبالمحكي.

من كثرهن ماعاد نبلش بالأزواج
طب وتخير وش تبي وش تمنا
بس العنوسه مالقينا لها علاج
يالله تبعد طاري العرس عنا
العانسه قامت تصافق بالأمواج
وحنا اش كثر نظلم على شان حنا
كم وحدة ٍ تعطي الغلا لواحد ٍ داج
على أمل لو ما الأمل ماعطنا
المشكلة عشق البني صاير إزعاج
منا تجي وان جاتك تصد منا
مافيه لا فكه ولافيه مخراج
الله واكبر وش توالي زمنا
والله لو تقفل خفوقك بمزلاج
يالآدمي ما اظن فيه اتهنا
تجيك حواء حتى لو مانت محتاج
خذن من الدنيا الغرام ونسنّا
من كثرهن ماظن نبلش بالأزواج
تقعد تخير وش تبي وش تمنا ؟