بالهناء والقافية
استهلال
فيصل العتيبي شاعر وإعلامي خطير.. كما أنه مثال حي للمثابرة الاعلامية .. ابتدأ مشواره مع مجلة "السياحي"، ومع اكتساب الخبرة وسهر الليالي ومتابعة قناة "الواحة" الشعرية تطور فيصل إلى مراسل في مجلة "أصايل" وبعد أن انتكست "أصايل" وأقفلت أبوابها وسرحت جميع منسوبيها.. رفض فيصل أن يستسلم ويترك المجال الإعلامي ولما "شافه" علي المسعودي بالصدفة قرر "يخليه" مدير تحرير مجلة "أوراد" وصار فيصل يتكلم مثل مديري التحرير الكبار ويضحك زيهم ويشرب سيجار ريحته مضروبة زيهم.. ألف ألف مبروك لفيصل العتيبي ويستاهل كل خير وعقبال ما يصير وكيل رقيب في المطافي يا رب.
كينج كونج
يُقال بانت سعاد أقول تجلس سعاد
هاذي تدوس العذارى دوس بأقدامها
خالد الذيابي
امش يا خالد امش اجل تدوس العذارى بأقدامها، كينج كونج على غفلة، طيب وش لك فيها أخاف أنها تعصب وتكسر البيت باللي فيه، دامها عصبية انتبه وأنا أخوك لأني خابرك عضل بس هذي راعية دوس يعني ما لها أمان، طيب سؤال أخير: أنت وش حبيت فيها بالضبط؟ مقاسها ولا جبروتها ولا أنها تبان وتجلس، ولا أنها تدوس العذارى؟ طيب العذارى بعد ما ينداسون هل يجي عليهم تخفيض؟ ولا المهر نفسه ما يتخفض؟ لأن العذارى المدعوسة غير عن العذارى غير المدعوسة، والمدعوس اللي تعرفه أحسن من المدعوس اللي ما تعرفوش!!
منك المال ومنها العيال
أنا رجل مملوح جذاب وانحب
حساس رومنسي أديب امتربي
فالح الدهمان
عزيزي فالح.. بلغنا خطابك المتضمن طلب الزواج والذي قمت مشكورا بشرح جميع مواصفاتك الرائعة وقمنا بإدراج اسمك في سجلاتنا، سوف ننشر طلبك وبإذن الله بتلاقي بنت الحلال اللي تناسبك وإن لم تجد فلا تيأس، الخاطبة أم فهد تقول كل البنات بتحبك كل البنات حلوين كل البنات بتدور هاليومين مملوح جذاب ينحب حساس رومنسي بس المشكلة الوحيدة إن البنات ودهم بدال أديب امتربي إنك ذكرت كم رصيد حسابك، أديب امتربي هذي أنا أول واحد يشهد لك فيها يا فالح لكن باقي البيت يا بو الشباب عندنا مشكله فيه.
أبووووووووك يالفضاوة
جالس بقمة جبال الايفرست واكتب قصايد
قالب الدنيا عليهم حاضر وأنا بعيد
أحمد الصانع
أنت فاهم مقولة "قصيده الشاعر الفلاني عانقت القمم " غلط وأنا أخوك، مو معناتها إنك لازم تطق مشوار وتسافر وتتسلق الجبل لين ما توصل القمة وتكتبها وتعلقها بنفسك وترجع الله يهديك، والله لو إنك قايل لي من أول كان أنا قلت هذا الرجل جميع قصائده تعانق القمم ومو أي قمم ايفرست حتة واحدة وكان وفرت كل هالتعب، أنا اعتقد أنهم هم اللي قالبين الدنيا عليك مو أنت لأنهم يدورنك وخايفين عليك وأنت الله يهديك ما فرقت معاك وقاعد تكتب قصايد فوق هناك، أهم شيء ثقل باللبس تكفى عشان ما تزكم.
الاستشوار ما يشتغل
تختلس مرآتي النظر اليّ
وتدهش من تفاصيل ملامحي
إلى هذا الحد أشبهك
أم أني أسعى لمغايرتك
حتى ألتقي بك!
طالما أن الشبه لا يعني حتماً
أن نبقى معاً
عذبة العتيبي
يا سلام يا عذبة يا سلام بس يكفي سوالف الله يرضا لي عليك ويالله سمعينا القصيدة، لا لا لا لا مو معقولة هذه هي القصيدة ؟ ناقص تتكلمين عن لونك المفضل وأن الاستشوار ما صلحوه والمحول محترق والدش ما يطلع إلا القناة الأولى وودك تسوين كبسة دجاج ولكن الفرن ما فيه غاز، مشكلتك قريتي أكثر من اللازم لبدر ونزار، طيب هل قرأتي للشاعر الفرنسي القدير مزعل فرحان؟ أتوقع لو قريتي له تتأثرين به وتتضح لك الأمور أكثر من كذا وتقدرين تحددين مسيرتك الرياضية، بالتوفيق يا نزاره.