وللبريد علينا حق، وللقارئ الذي لا يملّ قراءتنا ومتابعتنا ومراسلتنا حق، وللشعر القادم من المدى حق، نص يجعلنا نستبشر بما هو قادم، ونفتح لعناقه صدورنا، وللقادم أمانينا بالأجمل دوماً.
بعد غيبتك عن عيني ونسيانك وهجرانك
تمنيتك ولو لحظه تعيد أيام ناسيها
تمنيتك تجي مره وتنظر حال شفقانك
تشوف الروح بغيابك عن عيونه يواسيها
أماني كنت امنيها بكلمه ينطق لسانك
أبي كلمه ولو كذبه عشاني بس تحكيها
أمانه كيف يا عمري وانا اللي بس من شانك
بحور الشعر مبحرها وفيك أجمل موانيها
أمانه جاوبه قلبٍ خذاه الشوق لأوطانك
سؤالٍ تاه ب أيامه مع عقرب ثوانيها
وش اقسى هل جفا الدنيا إذا هذا الدهر هانك
أو انه غيبتك عني بعد ما كنت داعيها
حسافة كيف يا قلبي قفل بالوجه بيبانك
وانا اللي كنت متوقع أكون أول معديها
يا شعري والشعر وزنه ما يعرف غير ميزانك
يا لحني واللحن نغمه على لحنك أغنيها
يا عشقي والعشق حاله تكون شخص إنسانك
جنون وطيبه ودمعه بمعشوقك تلاقيها
بعد غيبتك عن عيني تركت الفرح لأجفانك
واخذت الحزن لأهدابي يعيش ويرتوي فيها
طلبتك والهوى لجلك حنا راسه لرضوانك
تبين لي سبب يشرح معاناتي وماضيها
يا حزني والسبب غايب مع غيبتك وأزمانك
تمنيتك ولو لحظه تعيد أيام ناسيها
