معلومات متضاربة حول تعليق خدمة بلاك بيري في السعودية

برافو يا امارات.....

والله انا مواطن سعودي تضررت من هذه الخدمة السئية عن طريق الاذية وتوزيع رقمي.
اتمنى من دولتنا ايقاف هذه الخدمة لان سلبياتها اكثر بكثير من ايجابياتها بل والله اعتقد مافيها اي ايجابية ، لاتقولوا الشات والاذية هذي ايجابية.يارب يوقفوا الخدمة بالسعودية لانها خطيره

السلام عليكم
ياليت توقف عندنا في السعودية
لضررها من نواحي عديدة
ودمتم سالمين

الله يهدينا و اياكم
انا رجل اعمال و استخدم خدمه البلاك بيري بشكل رئيسي في اتصالاتي و اداره اتصالاتي الداخليه و الخارجيه عبر خدمه البلاك البيري و البريد الالكتروني بشكل مباشر دون اي تأخير او مشاكل.
كذلك في تواصلي مع العائله و الاقارب داخل وخارج المملكه.
وما تحدثون عنه من سلبيات فهي ناتجه عن سوء استخدامكم لهذه الخدمه فأنتم من تقومون بنشر و توزيع ارقامكم لكل من هب ودب و بعدين تشتكون . كونوا منطقيين و عقلاء و احسنوا استخدام هذه الخدمه استخدام صحيح التي تسهل تواصلكم لاغراض العمل ومع العائله

أقووول مانبي الخدمة فالسعودية توقف

هذا القرار من مصلحة الدولة، لطالما كانت خدمات البلاك بيري مقتصرة على رجال الأعمال منذ عام 2001 الى 2006 ولكن امتد استخدامها الى شرائح مختلفة من المجتمع، و للأسف متضمنة ذوي النفوس الضعيفة وذلك تيقناً من هؤلاء أن هذه الإساءات والانتهاكات في حق مستخدميها وكذلك قوانين الدولة لن يتم ردعها من قبل القضاء الأماراتي وهكذا لم تستطع الامارات ان تقف مكتوفة الأيدي ولم تستجب شركة RIM لمطالبة الدولة وشعبها في حقهم السيادي

السالفة فيه واحد انفضح بالبلاك بيري وهو مسئول كبير والان يريدوا يضيقوا على الناس

بسم الله الرحمن الرحيم
بكرا يجي الدور ع السعوديه

عن جد كل هذه المباني العملاقة ليست سوى حائط كبير لتخفوا به جهلكم

بالرغم من عدم استخدامي خدمة البلاك بيري الا أني اعتقد بكونها كأي تقنية اخرى سلاح ذو حدين اذا احسن استخدامها عادت علينا بالفائدة والعكس صحيح.. وتعليق الخدمة ولو مؤقتاً ينم عن جهل لدى صناع القرار ..وعدم القدرة على فهم تقنيات العصر

ياااارب... العقبال للسعودية ........

شركة وطنية امارتية 100% تبحث عن امن وطنها وامن اهلها وشركاتنا شركات تبحث عن سلب المال على حساب مبداء الكسب والكسب فقط وبدون رقابة او رقابة حكومية بطئة او متسامحة . الى متى سوف يكون هذا الاهمال وعدم تحمل المسؤلية ؟

(الباب اللي يجيك منه الريح.. سده واستريح) مثل غابر غبي فيما يتعلق بالتقنية ينم عم جهل صاحبه، الإيقاف ليس لسوء الاستخدام، بل لانعدام امكلنية المراقبة الالكترونية عليه، وهو مايبحث عنه المواطن الغربي لوقف سيطرة أجهزة الدولة على الخصوصيات، المواطن الغربي يخاف على خصوصيته ويتكلم الآن عن دعاوى على فيسبوك ويعارض الهوية الرقمية.

نعم لقد تلقينا رسالة من مؤسسة الاتصالات اليوم تفيد بقرار هيئة تنظيم الاتصلات تعليق خدمات بلاك بيري اعتبار من 11 اكتوبر 2010 وستعلن اتصالات عن الخمات البديلة!!
للاسف هذه الخدمة مفيدة لمتابعة الاعمال اليومية ولكن بعض الناس ولرخص اسعار البلاك بيري لم يحسنوا استخدام هذه التقنية ولقد ظهرت في الاونه الاخيرة بعض الجرائم المرتبطة بها ... والظاهرة الادهى والامر هي الاطفال من سن العشر سنوات ترى بيدة البلاك بيري !!!

والله انتوا شعقب غريب!!!!
لما كانت الاخبار تقول ان هيئة الاتصالات السعودية تتخاطب مع الشركة الكندية المالكة لحقوق تشغيل خدمات البلاك بيري قمتو تقولوا يتحكموا في الناس وفي خدماتهم ويتعدوا على الحريات الشخصية...
ودحين تقولوا برافوا يا امارات!!!!
شعب يعاني من انفصام شخصية ،وتحاولوا استنقاص بلدكم باي طريقة ،ولما غيركم يسويه يصير قمة التطور وبرافوا عليه
الله يشفيه الناس المرضى!!!

كلامك منطقي يارائد الشافعي

لكل شى سلبياته وايجابياته فمثلا السكين تقدر ان تقتل بها وفى نفس الوقت تقدر تاكل بها تفاحه هل نمنع السكاكين من الناس والتلفاز ممكن ان تشاهد به برامج دينيه وتوعويه وعلميه وممكن ان تشاهد المجون والافلام الخليعه والاجرام واشياء كثيره لاتعد ولاتحصى وليش الدول المتقدمه ما امنعوه ولا احنا العالم الثالث

كلامك منطقي يارائد الشافعي

السعوديه طلبت من الشركه الكنديه اكواد ورموز تسمح لها بالرقابه على مستخدمي الرسائل لان خدمة البلاك بيري تختلف تطبيقيا عن المشغلات الاخرى . الشركة الكندية رفضت الطلب لوجود مبدا الخصوصيه و الحماية والامارت فشلت بالحصول على الموافقه و تم التهديد بالغاء الخدمه

والله انك صادق يا رائد الشافعي
صراحة الشعب ما ادري وش يبي
لو هذا القرار طلع من هيئة الاتصالات السعودية
كان شفت الكلام والانتقادات

بعد إعلان مملكتنا إيقاف الخدمة...
هل ستكون ردة فعل "البعض" مشابهة لردة فعلهم عند ايقاف الامارات للخدمة؟أم سينقلبون حتى على وجهة نظرهم السابقة؟
اعتقاد شخصي:
سيبقى سؤالي بدون إجابة......

اللهم لك الحمد...نتمنى من السلطات السعوديه بدء تنفيذ هذا القرار الذي وبلا شك سيتأثر منه (( مبزرة )) المسنجر..
هذا الهاتف صنع خصيصاً لرجال الأعمال.
براااااااااااااافو ياسعوديه..

العالم يتقدم ونحن نرجع خطوات للوراء !! هذا بدل ما تطور الخدمة ويستفاد منها ، نقوم بمنعها بسبب جهل الأقلية في استخدامها..
دول عالم ثالث !

ياامة ضحكت من جهلها الأمم

ما علينا من الخدمة علينا من عقولنا أي خدمة إتصالات فيها فوائد جمة ولكن نحن نتعامل معها معاملة المراهين نستخدمها بالسلبي على طول واكبر دليل على ذلك البلتوث شوفوا ويش صار لما جاء صار بلاوي
المشكلة فينا وليست في أي خدمة كانت
أولا يجب علينا معرفة كيفية أستخدامها
ولا خلونا على جوال بدون خدمات يستقبل إتصال فقط ويرسل
فوضويون في كل شي

اللي يقول خدمة البلآك تتوقف وسلبيآتهآ كثير
يآآآآآآآخي سيبو العآلم في حآلهآ
إذا لهآ سلبيآت , قفلو كل حآجه لهآ سلبيآت شيلو الجوآلآت آلأ في أيآدي الأطفآل اللي عمرهم أقل من 10 سنين !
شيلو الهآتف الثآبت سبب المشآكل , شيلو السيآرآت سبب الحوآدث , شيلو الشقق المفروشه سبب البلاوي !
صدق الصرآحه تفكير رجعي لآ تدورو حل لإنهآء المشكلة وبس دورو حل لأسبآب المشكله لو كل فرد أحترم نفسه وربّى أهل بيته صح مآكآن طلعو لنآ جيل فآسد كذآ
" كثر الضغط يولد الإنفجآر "

ليش توقفها وهي بس خدمه عاديه لو وقفتوها كان مامشت اعمالنا هذي الخدمه مفيده انا ما اقول انها ماسببت مشاكل هي سببت مشاكل وانحلت وخلاص يا جعل الخدمه ماتتوقف

ياليييييييييييييييييل ..
الامارات قالت تعليق مو توقيف.

هم بس راح يوقفون خدمة الماسنجر بس الايميل لايزال شغال وهذا هو الاهم بالنسبة لرجال الاعمال الايميل ..

من قراءة الخبر أن السعودية تعتزم إيقاف خدمة الماسنجر فقط من حزمة خدمات البلاك بيري ، أما في الإمارات فالخبر يقول بإيقاف خدمة البلاك بيري ، فهناك خلل في الخبر ، فإيقاف خدمة البلاك بيري من حق الدول بأمرها على الشركات مزودة الخدمة وليس الشركة المنتجة ، ويبدو أن الخدمة المرغوب إلغائها جزئية وليست كلية وهذا ما حدا الدول العربية مخاطبة الشركة المنتجة .
نتمنى التوضيح من الإقتصادية

‏​آّن♥ْآ‏​​ اظن ان الخدمه والبلاك بيري مافيهم اي عيوب العيوب في الناس الجهلة اللي ماتعرف تستخدم التقنيات ‏​آّن♥ْآ‏​​ عن نفسي استخدمه لاتواصل مع اهلي وناسي القريب والبعيد وهي وسيله سهلة عشان نتواصل مع بعصنا

الله يبشركم بالخير
ضره اكبر بكبير من نفعة
الحمد الله

الله يكفينا شر الفتن ماظهر منها ومابطن !!!
هل نحن في زمن فتنة الدهيماء؟!!!

لآ توووووووووووووووووووووووووووووووقف آلخدمة توني شريت آلجوآل :$ خخخ

احلااا خبر سمعته ،،، والله يا الناس يمصخون الشي ،،

عن جد احلا خبرين سمعتهم اليوم
خبر تطبيق ساهر في جده وخبر ايقاف البلاك بيري
واهم شي ايقاف البلاك بيري لأن الارهابيين يستخدمونه من غير ماحد يكشف رسائلهم غير الشركه المصنعه فقط وهذا تهديد للدوله يجب علينا كلنا الوقوف بصف القرار حتى لو كنا رجال اعمال فرجال الاعمال لهم طرق كثيره لتسيير اعمالهم
ودمتم

والله المفروض يكون استخدامه لرجال الاعمال والشركات
الحين في يدين الاطفال والله ماتدخل مجلس الا كانك جني قاعد لحالك واللى حوالينك
كل واحد ماسك الجهاز ومخليك صفر على الشمال
والاهل معاد يقدرون يكلمونك تقول كان فيهم توحد كل واحد ماسك الجهاز ويتبسم

تراكم ازعجتونا مراهقين بديهم جولات بلاك بيري
ومراهقين مدري ايش
ياخي اذا خايف ع هالمراهق ليش طلع له جوال من الاساس
يعني مافيه شي يخرب عقل المراهق الا البك بيري
بكل مكان فيه خراب وبكل مكان ممكن المراهق يخرب عقله
ياخي اذا انت ماتستفيد من الخدمه غيرك يستفيد منها 1000%
انا كل شغلي يجيني ايميلات وكل قرارت الشركه تجيني ايميلات
كيف اشيك عليها وكيف اادي عملي ؟
تحسبونها الخدمه بس حط اسمك وزعه وكلم بنات
عليكم عقل مدري ايش يبي

راحت عليك ياساهر

بكرة يمنعون الاي فون وهذا وجهي
لان الاي فون فيه شات بعد .. يفكرون اذا منعوا البلاك بيري ما في شات غيره !!
الاي فون فيه شات زي (وات اب) !!!
وفيه جوالات نوكيا تدعم هالخاصية
قرار فاشل ..

للأسف الشديد بأن أغلب الطلاب ادمنوا على البلاك بيري ويحضرونه للمدارس ومن ناحية المدارس الخاصة فلوضع طبيعي المعلم يشرح وادارة المدرسة ماتحب تضغط على العميل (الطالب)

اذا الغو اليوم خدمة الblack berry بكره النت ههههههههه

الحين بتفرق يعني اذا الغوها , في غير البلاكبيري مليون جهاز.. ترى اي جهاز يركب فيه مسنجر و يصير مثله

المشكلة أمنية لذا وجب الحزم في الأمر ..

لا حول ولا قوه الا بالله ليش ذلحين تلغون الخدمه والله شي يجنن العقل اتمنى انعا تستمر

لا إن شاء الله ما توقف ,
اللي يقول سلبيات يمكن بالنسبه لك ..
بس كثير مستفيدين منها ويستعملونها ب اشياء ايجابيه ..
هذولا رجال الاعمال مستفيدين منها ب شكل كبير ..
مثلاً جاء كم "مراهق" ونشر صور سيئه او كلام بذيء
مو يعني ان كل مستخدمين "البلاك بيري" يسوون كذا ..
وفيه فايده انها تقلل الفاتوره حقت الإتصالات ..
خاصةً انه التواصل بالماسنجر حقه يقلل المصاريف ..
شوية عقل الله يعافيكم ..
وان شاء الله تستمر وماتنقطع ..

يا اخوان المنع لدواعي امنية لانه لا يمكن مراقبة الاجهزة وممكن لاقدر الله يستغلون الارهابيين هذا الشي

ياناس اتقو الله هذه حرب من اليهود خطر على المسلمين اعكسوا الكلمة وتعرفوا انها سب للاله جل جلاله
اتقوا الله وانصروا ربكم

( والله انتوا شعقب غريب!!!!
لما كانت الاخبار تقول ان هيئة الاتصالات السعودية تتخاطب مع الشركة الكندية المالكة لحقوق تشغيل خدمات البلاك بيري قمتو تقولوا يتحكموا في الناس وفي خدماتهم ويتعدوا على الحريات الشخصية...
ودحين تقولوا برافوا يا امارات!!!!
)
كلام سليم 1000

رجااااااااء لااحد يلغي الخدمه لانها مممرررررررررررره تفيدني بشغلي

مشكله اذا يدخلون الشي للبلد وهم ما يعرفون عنه شي
وبعدين يقررون يسحبونه ..
عجيب امرهم صراحه

دول عالم ثالث ... هذا طبيعي في دول العالم الثالث هههه

وش رايكم تلغون الانترنت بكره بعد ؟؟
واقولكم الا طفو الكهرب ؟
ليه سياره ؟؟؟ لا لا مانبي !!
خلاص نرجع نعيش في بيت طين احسن !!
قفل قفل اغلق احجب !!! شي غريب ضع الضوابط وضع العقوبات وكل مخالف يتحمل اذيته ويتحمل مخالفته
اما مبدا عاقب جميع الشعب لتصرفات شخص او قله !!
عموما تعودنا وبنطق راسنا في اقرب جدا
شكرا

الخدمه حلوه
وانتم بتعيشون ترسلو مكاتيب واوراق
وبعدين كل واحد واستخدامه ويرجع الى تربيه الاهل

هكذا هم اعدا الحريه؟؟

انشالله ينفذ عندنا بعد

كله منكم يالمتخلفين ما تعرفون تستخدمون التقنية للسبب اللي وجدت من أجله
فقط تستخدمونه للغزل والسماجة وقلة الحيا

أضف تعليقك

عفوا الموقع المطلوب غير متاح
عساه يتم القرار ودي اشتري للورع واحد بلاك واثنين شيفاز

السلام
ياخي البلاك بيري مو عيب وله فايده واذا انقطع واش نسوي نحنا وانتم الي تقول افضل انه ينقطع اقعد على جوالك محد ضاربك على ايدك وقايلك استخدمه اوكيه والاطفال اهلهم راضين عنهم وشكرا,,,,

جالسين يقلدون الامارات يعني !
طيب قلدوهم في زيادة الرواتب قلدوهم في محاربة ارتفاع الاسعار والجشع وطمع التجار وغيره الكثير
الله يرحم الحال بس

ياناس الين متى نكون شعب يتبع الناس اذا صح أو خطأ ليش توقف الخدمه اللي يدور للأشياء السيئه يحصلها في أي مكان وكل اللي يبغوا الخدمه تتوقف هم نفسهم اسائو استخدام الخدمه عشان كده يبغوها تتوقف يعني اذا راحت وجات على انه سيئ طيب الغو خدمة الانترنت من البيوت مو سيئه كمان؟
واللي ‏
يبغى ا
لخدمه ‏
تتوقف لايتعب نفسه يبيع جهازه ويسبيب الناس في حالها
‏

ليه تلغونها حرام عليكم خلو الناس يعيشون حياتهم انتو ماترظون احد يظايكم ويخرب عليكم وناستكم الله لا يوفق اللي يلغيها امين واللي مايلغيها الله يسعده ويوفقه ويجعله من ال الفردوس الاعلى امين في السعوديه ويا ليت ترجعون الخدمه لاهل الامارات وشكراً

امانه تنسالون عنها يوم البعث والحسا انكم ما تلغونها يا السعوديين في ذمتكم

اكيد فيه سلبيات كثير .والايجابي قليل لكن الحكومات.

من جد غبااااااااااااء فيهاا سلبي وايجابي بذاا الخدمه واناا احبها بليز لاتقطعونهاااااااااااا

ارجو ايقاف الخدمة لانو مالها الا مضيعة الوقت وخاصة المراهقين
واذا كان المنع بسبب امني فهذا خاص للدولة اما ان كان بسبب المراهقين والاذية ايضا يستاهلو

هناك عدة اسئله بدون جاوب
س1 هل شركة نوكيا سعة وراء هذا الايقاف بسبب عزوف الناس عن اجهزة نوكيا ؟
س2 الخدمه موجوده من سنتين لماذا لم يتم تدراك الوضع من قبل لماذا في هذا الوقت وفجئه ؟
س3 بريطانيا المانيا استراليا موجوده الخدمه فيها ليش ما تكلمو وقالو امن وخوادم وهذا الكلام؟

قدر الله علي وشريت بلاك بيري بس لاحد يقلب الكلمة عشان ماتصير سب عن الاسلام يااخواني بلاك بيري تعني التوت الاسود اسم شهي لفاكهة تحلمون فيها عموما
قصتي قصة مع البلاك بيري اقولكم شريته وكل شئ بس ماشغلت الخدمة وهالحين ماله الا يومين من يوم مااشتغلت
بعد واسطات ودوخة راس وكلمة ابو جيراننا تخيلوا عشانه يعرف واحد بالاتصالات وشغلوها لي والحين بعد مافعلت كل شئ وفرحت واضفت كل اصحابي تقولوم بتنقطع الشكوة لغير الله مذلة

تيب مو من حق المواطن يعرف بتوضيح ايش هوا سبب ايقاف الخدمه يعني ليا سنه استخدمها ولا شفت فيها اي شى!!
= وبخصوصك ياللي متضرر اذا البلوتوث ما تقدر ترسل ولا تستقبل الا اذا ضفت الشخص عندك من ضمن قايمة البلوتوث وعشان يدزلك لازم تسوي تلقي هذا هو البلوتوث فما بالك برقم البن ما احد يعرفوه الا انتا ولا تقول انتشر رقمي ووزعوه ولا تدخل منتديات وزي كل من هب ودب تحط رقمك وتقول تضررت
بعدين الاشياء اللي استفدتها منه اكثرر من اللي على قولكم اثارها سلبيه والنتائج تعكس استخدامكم للجوال
نحترم رأي الهيئه وكلي امل#

لأتقطعونهاا
لوتبون تقطعون منعوا الجولات الجديده لي بتنزل في سعوديه
نوكيا e71
وبعدين ورى ماتقطعون المسناجر الايميل ههههههههههههههههههههههههههههههههه
والله مهذل شتري جهاز ب 2000 ريال وزياده وفي الاخير يطلع
ب 200 المشكله توه ماله شهرين
لوتبون تقطعون منعوا جوال نوكيا e71
ترهأأ نفس البلأك بيري ولأبعد يقولون نوكيا نوكيا e71
سعر تفعيل الخدمه 10 ريال ومدري ايششش

حرااااااااااااام عليكم لاتسحبون الخدمه والله رااااااح نتضرر ..في اصحبا محلااات الاجهزه راااااح يخسرواااا وايضا العملااااء...

يعني بالعقل ليييييييه بيوقفونها فوق المليون بالسعودية
وكل شهر يدفع هالمليون 99 ريال واضربوا هال99 بمليون شخص
كم بيطلع لشركااات ااتصالات ....
وفوق هذا المساكين اللي توهم شاحنين اسحبوا ارصدتهم وكولوا فلوسهم وافصلوا اخدمة
...
وبعدين اي شئ بالحياة له سبيات وايجابيات واللي يقول كله سللللب فيه مثل يقول كلن يرا الناس بعين طبعه

(الاقتصادية الإلكترونية: نظام الموقع لا يسمح بنشر التعليقات بغير اللغة العربية)

برايي اشارك الاخوان والاخوات اللي قالو انو سلاح ذو حدين فيه النافع وفيه الضار
وياليت ان يجي تعميم بان البلاك بيري يستخدم فقط من قبل رجال وسيدات الاعمال لان هم يكونون احوج من غيرهم
واما من يستخدمه لغرض الاساءة ونشر الكاستات الاقرب ماتكون الى المهزلة والاستهزاء وتضر بالغير وتفسد المجتمع بدلا من اصلاحه فهذه الفئة الاحق ان تفصل عنهم الخدمة نهائيا
والله يكتب اللي فيه الخير والصلاح يارب.

تحياتي

يارب الخدمة ماتنقطع حرام عليهم

لييييه مامنعوا الدشوش مافيه قنوات فسااد وتحريض ..
لييييه مامنعوا النت بكبره .. على الاقل وفروا لنا وظايييييييييييييييييييييف على الاقل البلاك بيري مسوي لنا خدمه نتواصل مع اقاربنا بمناطق ثاانيه وبالخارج..ويساعد. العاطلين عن العمل بالتواصل مع اقاربهم للبحث عن الوظايف من وين العاطل يجيب شحن سوا وفواتير .

يعني الحين الدنيا بتخر ب بالمسنجر يعني الواحد ما يقدر يكلم بالمسنجر يعني شنو الفرق بين وبين المسنجر العايدي ..هذا اميل وذاك رقم ... انا توني مفعل الخدمه ولا اشووف فرق بينه وبين المسنجر يعني شنو صااير عشان تسون كلا هالفوضى جد تخلف .. :(

ليش يلغون الخدمه بغض النظر عن سلبياتها وايجابياتها .. ماااااااااااااافيه عذر مقنع .

لااااااااا لا تقطعونهاا وقسم انكم ماعندكم سالفه نفس الشي وش يعني تستهبلون صدز يوم يقولون الخليج ما عندهم سالفه ماعندكم عقل بدوان قهر قهر ليه ولله لا اعلم بابا اتشوفون خخ اكرهكم يا الخليج ولله لا اساافر امريكاا وارتااح

اهلين فيكم يعني الكل مستفيد الي مايبي بلاك بيري يفكنا ويبيعة يعني الي متحسر ماعندة بلاك بيري يقطع الخدمة خلوها بكرة اقطعوا علينا لاب بعد في الف حل حالة حال الجولاات اكيد اشاعة انا سألت محل الجولاات كلها اشاعات اصلا الي تصير الي مايبي يبيع جهازة ويفكنا ويخلي الغير يستفيد يعني ماجت علينا الي احنا وكمان يشوفون خصوياتنة وقفوا اي فون مش بي بي على فكرة الي عندة بلاك بيري لايشتري غلاف كامل يروح الضمان حتى لو ركبوة اكسيوم تيلكوم

.............

والله قولوا بعد ان بلاك بيري انفلونزا مثل ماطلعوا اشاعة عن انفلونزا الخنازير

اتمنى كلامك يكون لة صدى في العقول المتحجرة ياشافعي غتر وعقل وسيارات فارهة وجيوب عمرانة بس شوف ايش تحت الغتر عقول ..