نص يتخطى تحت العروش ويزيح أوراق التوت عن فتنة ثمرٍ للتوّ أينع، نص ربيعي لشاعرٍ لا يغادر قصيدته فصل الربيع، نايف عوض في نصٍ جديد وغواية حرفٍ جديدة.
خليتك بشعري مثل سحر هاروت
وحبتك ناس قبل ذا ما تطيقك !
كم لك معي ..قطرة ندى في ورق توت
ذا وانت من برا-اجل كيف ريقك!
مدري لأنك بين الأضلاع منحوت
وإلا الشعر زود بعيني..بريقك !
واليوم ودعتك ولو صحت بالصوت
ما نيب متلفت ولو زاد ضيقك !
ابحزم ضلوعي واخليك بسكوت
نفس السكوت اللي صدفت بطريقك أيام جيتك تضحيه وانت مكبوت
واقفيت متناكر ملامح رفيقك !
لا درب يبعدني ولا تضحك بيوت
ومر الصبر عندي وعندك رحيقك!
وان كان فينا واحدن راح مبخوت
فهو انت لن الوقت هذا صديقك!
ما هو خطاي إني ولدت اعشقك موت
لكن خطاي إن مت وانا عشيقك !
